Romani

Šukar aljan ko Marin museum! Marin museum tano e Švedskakoro nacionalno museum baš i Švedsko mornarsko historia, kotar o berš 1522 pa đi akana. Ko maškar ki historisko natura ko ostrvo Stumholmen ki Karlskrona tani i zgrada kotar o Marinmuseum, ko than zalo pani kova hine ičeri i vojska angljeder.

Kotar o Marin museum

Kotar komora đi ko museum

Marin museum isi olje start kotar o berš 1752, tegani o Modellkammaren ki Karlskrona startirinđa o kraljo Adolf Fredrik. O Modellkammaren hine olje modelija kotar brodija hem konstrukcije, so koristinđe pe te testirinen pe tehnička solucije hem neve tipija kotar brodija. Disave objektija čerđe pe samo mothovibase. Jekh tura ki komora kotar o Marin museum dela fascinantno momenti sar o inžinjerija čerđe o brodija ko periodi kotar 1700- hem 1800 berša ki Švedska.

Amare kolekcias

Ki kolekcia kotar Marin museum isi historisko arhiva kotar Švedsko mornarsko odbrana. Ki kolekcia isi 36 000 objektija, 240 000 fotografije, 22 000 dizajnija, 1 700 delija sar arhivno dokumentija hem 30 000 knjige. Jekh delo kotar akava šaj te dikhe ko amare izložbe, ama but poviše isi ko amare magazinija, arhiva hem biblioteka, but šukar arakhlje beršenđe poanglal so avena.

Amare izložbe

Ko Marin museum isi koro 20 izložbe so mothovena kotar đivdipe ko pani, sar čerena pe o brodija hem podmornice ko periodi kotar o šudri borba. Khuv andre ki podmornica Neptun so hine ki drama e rusko podmornicaja U-137 koja alji paše zalji Karlskrona.
Doživin i unikatno kolekcija kotar galija figure ja đa telje talo pani ko Baltičko more hem dikh o resto so ačhilo kotar o brodo Prins Carl kotar o berš 1684. O Marin museum isi olje but avera brodija, sar ko primer o brodo Bremön so deaktivirini o mine kotar o berš 1940 hem brodo Jarramas, so hine startirimo e beršeste 1900.

Jekh delo kotar Unesco

Karlskrona tani jekh delo kotar o Unesco. Odova tano sebepi so i Karlskrona tani jekh primer kotar but šukar arakhlji evropsko marinsko baza. Ko Marin museum šaj te dikhe prezentacije, izložbe hem objektija so mothovena historia kotar akija marinsko baza.

Šukar ljan te doživine avantura kotar i Švedsko mornarsko historia!

Posetin o Marin museum

Važno te đane

Životinje nane dozvolime ko museum. Specialno izusetak tane samo o životinje so tane asistentija e dozvolaja.
Fotografia: Šaj te snimine hem te slikine (bizo blic), tuče privatno, ko celo museum.
Maro hem te pije diso: Nane dozvolimo te lje tuvaja ko izložbe maro, sladoled ja diso te pije. Ko dujto sprati isi than kaj so šaj te beše hem te ha o maro so ljeljan tuvaja
Torbe: Isi ormarija te čhive o potikne torbe. Izbegin te lje tuvaja bare torbe ko museum sebepi nane than oljenđe.
Čhavore talo 12 berš: O čhavore talo 12 berš mora te oven tuvaja celo vreme akate ko muzej, na tromal te oven kokri sebepi i sigurnost. Odova važini hem e organizacijenđe sar škola, fritidshem, sportska klubija hem avera. Bare grupe čhavorencar šaj te delinen pe, ama jekh baro manuš mora te ovel oljencar ki svako grupa dok tane ko museum.

Angljeder te ave koro amende

Arakh đi akate
Marin museum tano ko Stumholmen ki centralno Karlskrona. Tu šaj te phire kotar centar, te ave kolektivno transporteja ja te ave vordancar.

Phirindoj ja biciklaja
Ako pođineja kotar trg Stortorget pratin i ulica Kyrkogatan. Nakh i ulica Drottninggatan hem nastavin ki ulica Kyrkogatan te rese đi ko mosti so ka igari tut đi ko Stumholmen. Nastavin pravo palo mosti hem tegani ka dikhe ki ti levo strana o Marin museum.

Kolektivno transport (autobus ja vozi)
Ako aveja autobuseja ja vozeja ki centralno stanica ki Karlskrona tegani tano najkolaj te pratine o kej so đala e ulicaja Östra Hamngatan. Ked resljan đi ko mosti ko Stumholmen, nakh o mosti hem nastavin samo pravo. Doljela koro 20 minutija te rese đi ko museum kotar i centralno stanica ki Karlskrona.

Vordancar
Ako aveja vordancar kotar autoput E22 pratin i tabla so igari tut đi ki Karlskrona centrum. Irin levo đi ki luka hem vozin ki ulica Östra Hamngatan. Palo odova pratin o table so ka igaren tut đi ko parking ko Marin museum.
Palo so parkirijan ava đi ko mosto so ka igari tut đi ko Stumholmen. Nastavin pravo palo mosti hem tegani ka dikhe ki ti levo strana o Marin museum.

Parking
Handikap parking isi e manušenđe kase valjani (parking dozvola mora te ovel tut) ko ulaz anglo museum. O Marin museum isi olje parking thana ko Sparregården so platinena pe.

E čhavorenđe hem e familiače

Isi but asimilirime aktivitetija ko amare izložbe kaj e čhavorenđe dela pe volja ki interakcia. O restorani isi olje maro čhavorenđe hem isi stolice kaj o čhavore šaj te
bešen. Ko toaleti isi than kaj šaj e čhavore te promine o šeja hem odova tano ko prvo sprati, a ko dujto sprati isi than kaj so šaj te beše hem te ha o maro so ljeljan tuvaja. Šaj te lje tuvaja i kolica e čhavorenđe, ama izbegin te blokirine o udara hem o izlazija. Ma bistre so o čhavore talo 12 berš mora te oven tuvaja celo vreme akate ko muzej, na tromal te oven kokri.

Dostupnost

Lift isi ko sa o spratija, hem isi dostupna prilagodime toaletija ko ulaz. Handikap parking isi e manušenđe kase valjani (parking dozvola mora te ovel tut) ko ulaz anglo museum.

Audio guide

Amen nudinaja tumenđe audio guide ki englesko čhib.

Audioguide in English.

Čitin pobuter

Čitin pobuter historia kotar o Marin museum hem aver arhiva so isi ko Marin museum ki englesko čhib:

For further information please visit the English version on our website